آپ کی غلطی یہ ہے کہ ہمیں سیدھی راہ پر چلانے کے لیے آپ بہت کوشاں ہیں۔
میں وہ شخص ہوں جس نے ریحان اللہ والا کی وجہ سے یوٹیوب چینل بنایا اور صرف دو ماہ کی چالیس ویڈیوز سے 500 سے زیادہ سبسکرائبرز اور 4500 سے زائد گھنٹے چینل چل چکا ہے۔
مجھے فیس بک کا درست استعمال آپ نے سکھایا، میں نے ریحان اللہ والا کے ساتھ 500میوچل فرینڈز بنانے کے لیے جب لوگوں کی وال کو وزٹ کیا تو مجھے پتا چلا کہ دنیا بہت بڑی ہے اور لوگ اپنی اپنی ذات کے اندر فرد ہونے کے باوجود پوری پوری جماعت جتنا کام کررہے ہیں۔
میں نے ریحان اللہ والا سے سیکھا کہ غلطیوں اور کمیوں پر کڑھنے کی بجائے ان کو درست کرنے پر کام کیا جائے۔
میں نے ریحان اللہ والا سے سیکھا کہ انسانوں سے محبت کے لیے مسلک، مذہب اور علاقہ نہیں بلکہ انسانیت کی ضرورت ہے۔
میں نے ریحان اللہ والا سے سیکھا کہ گالی کھا کر بھی کسی کا بھلا ہی کرنا ہے آپ کو۔
میں نے ریحان اللہ والا سے سیکھا کہ آپ اکیلے کام کرنے کی بجائے ایک ٹیم بنائیں، اس ٹیم پر اعتماد کریں اور ان کو ہر پل کچھ نیا سکھاتے رہیں۔
میں نے ریحان اللہ والا سے سیکھا کہ دنیا کی سب سے بڑی یونیورسٹی یوٹیوب ہے اس سے سیکھنا بہت آسان اور بالکل مفت ہے۔
میں نے ریحان اللہ والا سے سیکھا کہ آپ کے کام کی وجہ سے آپ کے ملک اور ملت کو عزت مل سکتی ہے۔
میں نے ریحان اللہ والا سے سیکھا کہ اگر کوئی کسی شعبے کا ماہر ہے تو اس کی قدر کرو اور اس کا مانو۔

Thank you mubashar sahib