یہ ایک عجیب لیکن سچی کہانی ہے… آج میں ایک ایسے شخص کے بارے میں لکھ رہا ہوں جو میرے نام سے Facebook گروپس بنا رہا ہے، میری تصاویر، میری YouTube ویڈیوز استعمال کر رہا ہے، اور انہی مفت کورسز کو “Paid Courses” بنا کر لوگوں کو بیچ رہا ہے۔ میں نے Federal Investigation Agency (FIA) میں رپورٹ کی… Facebook کو رپورٹ کیا… لیکن کچھ خاص نتیجہ نہیں نکلا۔ اور سچ بتاؤں؟ میں تھک چکا ہوں… لیکن آج میں اسے گالی نہیں دینا چاہتا… بلکہ ایک سچ بولنا چاہتا ہوں۔ 👏 اس نے کمال کر دیا ہے۔ جو کام میری پوری ٹیم نہیں کر سکی… وہ اکیلا (یا اپنی ٹیم کے ساتھ) کر رہا ہے۔ 👉 میرے ہر پوسٹ پر جو بھی بندہ کمنٹ کرتا ہے، یہ بندہ اسے فوراً ان باکس کرتا ہے… 👉 اس سے بات کرتا ہے… 👉 اور پھر وہی کورس بیچ دیتا ہے جو اصل میں YouTube پر فری موجود ہیں! یہ واقعی اس بات کا زندہ ثبوت ہے کہ: “آپ ہوا بھی بیچ سکتے ہیں… اگر بیچنا آتا ہو!” لیکن… میری اس شخص کو ایک سنجیدہ تجویز ہے: اگر تم اتنی محنت کر ہی رہے ہو… تو میرے لوگوں کو تنگ کرنے کے بجائے کیوں نہ تم عالمی لیول پر کھیل کھیلو؟ جاؤ… Tony Robbins کے فالوورز کو اپروچ کرو یا Gary Vaynerchuk کے آڈیئنس تک پہنچو ان کے بھی بہت سارے فری کورسز اور کانٹینٹ موجود ہیں۔ 👉 اگر تم پاکستانی آڈیئنس کو “فری چیز” بیچ سکتے ہو… تو امریکن آڈیئنس کو تم 10 گنا… 100 گنا زیادہ بیچ سکتے ہو۔ کیونکہ وہاں مارکیٹ بڑی ہے… پیسے زیادہ ہیں… اور مواقع بھی زیادہ ہیں۔ آخر میں صرف ایک بات: یہ دنیا صرف بنانے والوں کی نہیں… بیچنے والوں کی بھی ہے۔ اور کبھی کبھی… بیچنے والا، بنانے والے سے بھی آگے نکل جاتا ہے۔ — ریحان اللہ والا