گزشتہ ہفتے خانیوال سے 14 کلومیٹر دور ایک گاؤں میں قائم ریحان سکول کا وزٹ کیا۔ خوشگوار حیرت ہوئی کہ ایک دور دراز گاؤں میں اتنا اچھا سیٹ اپ قائم کیا گیا ہے۔ اس سکول کی سب سے اچھی بات یہ لگی کہ بچوں کے بیگ میں کتابوں اور کاپیوں کا کوئی بوجھ نہیں تھا۔ بچے اپنا اپنا لیپ ٹاپ اٹھائے سکول پہنچ رہے تھے۔ بچوں کی سہولت کے لیے سکول کو مکمل طور پر سولر سسٹم پر منتقل کیا گیا ہے اس طرح وہ دن بھر پرسکون ماحول میں بجلی کی مسلسل فراہمی کا فائدہ بھی اٹھاتے ہیں۔ پورا دن وہاں گزارا تو چھٹی کے وقت تمام بچوں سے ملاقات بھی ہوئی اور گپ شپ بھی۔ خوشی ہوئی کہ بچے لیپ ٹاپ اور موبائل کا مثبت استعمال کر رہے ہیں۔ بچوں نے اپنے اپنے موبائل سے سیلفیاں بھی بنائیں۔
ریحان سکول وزٹ کرنے کے بعد یہ بات پورے یقین کے ساتھ کہی جاسکتی ہے کہ یہ جدید سسٹم ایک نسل کو جینے کا نیا انداز دے گا اور معاشرے میں ایک خوشگوار تبدیلی کا باعث بنے گا۔

Ijaz Ahmed Fikri
Islamabad