(دعوت شرکت) ((Convention) بعنوان :مذھبی آزادی اور بین المذا ھب هم آهنگی(Religious Freedom& Interfaith harmony)"! بروز هفته14 مئی2016 بوقت شام4 بجے بمقام وزیر اعلی هاؤسPIDCکراچی پاکستان زیر اهتمام پیس کونسل پاکستان برائے بین المذاهب هم آهنگی و علماءمشائخ اتحاد انٹرنیشنل کےاس پروگرام میں تمام ملکوں سے مسلم,کرسچن هندو, سکھ و دیگر کمیونٹیز کےعلماء ومشائخ ,ڈاکٹرز و پروفیسرز,اسکالرزواسپیکرز وعمائدین پاکستان اپنے خیالات کا اظهار فرمائیں گے...آپ کی شرکت کا متمنی منتظم سید یعقوب علی شاه وائس چئرمین آف PCPIH & چئرمین UMUI صدرAPMLعلماء

Syed Yaqoob Ali Shah

Naeem Yaqoob Gill
Ahsan Iqbal

خطبۂ حج 2016 کا مکمل اردو ترجمہ
فضیلۃ الشیخ ڈاکٹر عبدالرحمن السدیس حٖظہ اللہ
ترجمہ: محمد عاطف الیاس، مولانا اجمل بھٹی ریسرچرز پیغام ٹی وی
نظر ثانی: حافظ یوسف سراج ، ہیڈ ریسرچ ڈیپارٹمنٹ ، پیغام ٹی وی

تعریف اللہ ہی کے لیے ہے۔ ہم اسی کی تعریف کرتے ہیں،اسی سے معافی مانگتے ہیں، اسی کی طرف رجوع کرتے ہیں۔ اپنے نفس کے شر سے اور اپنی بد اعمالیوں سے اللہ ہی کی پناہ میں آتے ہیں۔ اس کا کوئی شریک نہیں ۔ جسے اللہ تعالیٰ ہدایت دے دے، اسے کوئی گمراہ نہیں کر سکتا اور جسے اللہ رب العزت گمراہ کر ڈالے اسے کوئی ہدایت نہیں دے سکتا۔ ہم اللہ تعالیٰ کی تعریف اسی انداز میں کرتے ہیں جو اللہ تعالیٰ کو پسند اور اللہ تعالیٰ کے شایان شان ہو۔ ہم اللہ تعالیٰ کی خوب تعریف بیان کرنے کی سعادت حاصل کرتے ہیں۔ یقینًا ہم تیری تعریف کما حقہ ادا نہیں کر سکتے اور اے اللہ ہم کبھی کما حقہ تیرا شکر ادا نہیں کر سکتے۔ بہرحال ہم اللہ کی اتنی تعریف کرتے ہیں کہ جس سے آسمان کا ہر گوشہ زمین کا ہر کونہ اور سمندر و خشکی کی ہر ذرہ بھر جائے۔ میں گواہی دیتا ہوں کہ اللہ کے سوا کوئی الٰہ نہیں ہے۔ وہ واحد ہے۔ اس کا کوئی شریک نہیں۔ میں یہ بھی گواہی دیتا ہوں کہ محمد ﷺ اللہ کے بندے اور رسول ہیں۔ اللہ کی بے شمار رحمتیں ، بے بہا برکتیں اور ان گنت سلامتی نازل ہو آپ ﷺ پر، آپ ﷺ کی آل اور تمام صحابہ کرام پر۔
بعد ازاں!
لوگو! میں اپنے آپ کو اور آپ سب کو اللہ تعالیٰ سے ڈرنے کی تلقین کرتا ہوں۔ ’’اللہ سے ڈرو جیسا کہ اس سے ڈرنے کا حق ہے تم کو موت نہ آئے مگر اس حال میں کہ تم مسلم ہو‘‘ (آل عمران:102)
’’لوگو! اپنے رب سے ڈرو جس نے تم کو ایک جان سے پیدا کیا اور اُسی جان سے اس کا جوڑا بنایا اور ان دونوں سے بہت مرد و عورت دنیا میں پھیلا دیے اُس خدا سے ڈرو جس کا واسطہ دے کر تم ایک دوسرے سے اپنے حق مانگتے ہو، اور رشتہ و قرابت کے تعلقات کو بگاڑنے سے پرہیز کرو یقین جانو کہ اللہ تم پر نگرانی کر رہا ہے۔‘‘ (النساء:1)
’’اے ایمان لانے والو، اللہ سے ڈرو اور ٹھیک بات کیا کرو۔اللہ تمہارے اعمال درست کر دے گا اور تمہارے قصوروں سے درگزر فرمائے گا جو شخص اللہ اور اس کے رسولؐ کی اطاعت کرے اُس نے بڑی کامیابی حاصل کی۔‘‘ (احزاب:81-80)
اے ابن آدم! تو ہر حال میں اللہ سے ڈرتے رہنا۔ یاد رکھ! قیامت کے بے حد طویل دن میں تجھے اس کا ثمرہ ملے گا اور آج کی اس محنت سے تو اس سخت دن میں خوش ہو جائے گا۔
یاد رکھئے ! اگر انسان کو زندگی اور جہان کی تمام آسائشیں یکجا ہو کر بھی میسر آ جائیں لیکن اس دنیا سے رخصت ہوتے وقت آدمی تقویٰ سے خالی ہو تو اسے زندگی کی تمام آسائشوں کا ذرہ بھر فائدہ نہیں ہو سکے گا۔
اے امت اسلامیہ!
اللہ تعالیٰ نے انسان کو زمین میں ایک دوسرے کاجانشین اور خلیفہ بنا کر بے پناہ عزت اور شرف عطا فرمایا ہے۔ اللہ کا فرمانِ ذیشان ہے۔ ’’میں زمین میں ایک خلیفہ بنانے والا ہوں۔‘‘ (البقرۃ:30)
اللہ تعالیٰ کا انسان کو زمین میں خلیفہ اور جانشین بنانے کا مقصد ہی یہ ہے کہ وہ زمین میں تعمیر و اصلاح کا کام کرے۔ نیکی اور بھلائی کا حکم دے اور برائی سے روکے۔ لوگوں کے درمیان عدل قائم کرے۔ اللہ تعالیٰ نے بہت سے رسول مبعوث فرمائے ہیں تاکہ وہ عظیم پیغام لوگوں تک پہنچائے اور یوں لوگوں کے پاس اپنی غلط روش اور گمراہی کی کوئی حجت اور دلیل باقی نہ رہے۔ فرمان باری تعالیٰ ہے: ’’یہ سارے رسول خوش خبری دینے والے اور ڈرانے والے بنا کر بھیجے گئے تھے تاکہ اُن کو مبعوث کردینے کے بعد لوگوں کے پاس اللہ کے مقابلہ میں کوئی حجت نہ رہے۔‘‘ (النساء:165)
اللہ تعالیٰ نے اپنے ان مبعوث کردہ رسولوں کی تائید بڑی عظیم نشانیوں اور معجزات سے فرمائی ہے جو ان انبیاء کی نبوت کی سچائی پر بڑی واضح دلالت کرتی ہیں۔ فرمان باری تعالیٰ ہے: ’’ہم نے اپنے رسولوں کو صاف صاف نشانیوں اور ہدایات کے ساتھ بھیجا۔‘‘(الحدید:25)
پھر آخر میں اللہ تعالیٰ نے تمام انسانیت کی طرف ہمارے پیارے نبی،محترم ، رسول مکرم، ساری اولادِ آدم کے سردار، تمام نبیوں کے امام اور خاتم النبین حضرت محمد ﷺ کو مبعوث فرمایا۔ فرمان باری تعالیٰ ہے: ’’ ہم نے تمہیں گواہ بنا کر، بشارت دینے والا اور ڈرانے والا بنا کر بھیجا ہے ۔‘‘ (الاحزاب:45)
آپ ﷺ سچے اور کھرے دین اسلام کے ساتھ مبعوث فرمائے گئے جس نے لوگوں کے لیے زندگی کا ہر راستہ روشن کر دیا اور خالص توحید کی طرف رہنمائی فرمائی۔ اسی کے ذریعے سے اللہ تعالیٰ نے لوگوں کو شرک کی آلودگی اور اندھیروں میں ٹامک ٹوئیاں مارنے سے بچا لیا۔ دین اسلام کے ذریعے سے اللہ تعالیٰ نے لوگوں کو اپنے جیسی مخلوق کی غلامی سے آزاد فرما کر خالق حقیقی کی غلامی سکھائی ہے۔ یوں اللہ تعالیٰ نے لوگوں کے لیے واضح ہدایت کا دروازہ کھولا اور کامیابی کی راہ کی طرف بہترین رہنمائی فرمائی ہے، تاکہ لوگ ادھر ادھر رائیگاں بھٹکنے کے بجائے اللہ تعالیٰ کی طرف یکسو ہو کر متوجہ ہو جائیں،اور یوں اپنی پیدائش کا حقیقی مقصد اور تخلیق انسانی سے وابستہ اللہ کی مقدس حکمت پوری کریں۔ فرمان باری تعالیٰ ہے: ’’میں نے جن اور انسانوں کو اِس کے سوا کسی کام کے لیے پیدا نہیں کیا ہے کہ وہ میری بندگی کریں۔‘‘ (الذاریات:56)
اسی طرح فرمایا: ’’ہم نے تُم سے پہلے جو رسُول بھی بھیجا ہے اُس کو یہی وحی کی ہے کہ میرے سوا کوئی خدا نہیں ہے، پس تم لوگ میری ہی بندگی کرو۔‘‘ (انبیاء:25)
دیکھئے، اس آیت مبارکہ سے کس قدر توحید کی اہمیت واضح ہوتی ہے۔ دراصل توحید ہی لوگوں کے ذمے اللہ تعالیٰ کا حق ہے۔ اسی کے لیے رسولوں کو مبعوث کیا گیا اور اسی کی خاطر کتابیں نازل کی گئیں۔
سو اے اللہ کے بندے! اپنے یکتا خالق کے منفرد و ممتاز راستے پر یکسوئی سے گامزن ہو جا۔ میرا مطلب ہے کہ حق اور ایمان کی راہ پر یکسو ہو جا۔
اسلام دین حق لے کر آیا ہے، چنانچہ اب کسی مسلمان کو قطعاً زیب نہیں دیتا کہ وہ اس دین میں شک کرے ۔ یاد رہے ، اب اللہ تعالیٰ دین اسلام کے علاوہ کوئی دوسرا دین قبول نہیں فرمائے گا۔ فرمان باری تعالیٰ ہے:
’’یہ دین اس لیے آیا ہے تاکہ لوگوں کو خیر اور بھلائی کی ترغیب دلائےاور نجات اور کامیابی کی طرف انسانیت کی رہنمائی کرے۔ ‘‘
اے بیت اللہ کے حاجیو!
وہ وقت یاد کیجے کہ جب میرے اور آپ کے عظیم نبی محمد ﷺ ٹھیک اسی عظیم جگہ پر قیام پذیر ہوئے تھے، اسی مقدس جگہ پر کھڑے ہو کر
آپؐ نے حقوق انسانی کا واضح منشور یعنی حجۃ الوداع کا عظیم خطبہ ارشاد فرمایا تھا۔ جس میں آپ ﷺ نے دین اسلام کے بنیادی ارکان واضح فرمائے تھے اور جاہلیت کی خرافات ختم کرنے کا واضح اعلان فرما دیا تھا۔ اس خطبے میں رسول مکرم ﷺ نے لوگوں کی جانیں انتہائی محترم قرار دی تھیں۔ آپ ﷺ نے خطبہ ارشاد کرتے ہو ئے فرمایا تھا، آج دین کامل اور ،مکمل ہو گیا، دین کے تمام احکام بالکل واضح ہوگئے، اللہ تعالیٰ کی نعمت پوری ہو گئی اور اللہ تعالیٰ نے اس دین کو لوگوں کے لیے پسند فرما لیا۔ اور پھر آپ ﷺ نے لوگوں کو الوداعی کلمات سے ایسے اشارے دئیے کہ جس سے لگتا تھا ،یہ اس طرح کی آخری ملاقات ہے ۔ فرمان باری تعالیٰ ہے: ’’ آج میں نے تمہارے دین کو تمہارے لیے مکمل کر دیا ہے اور اپنی نعمت تم پر تمام کر دی ہے اور تمہارے لیے اسلام کو تمہارے دین کی حیثیت سے قبول کر لیا ہے ۔‘‘ (المائدہ:3)
نبی کریم ﷺ نے اس مبارک دن میں کیسا عظیم خطبہ ارشاد فرمایا اور کیا ہی عمدہ نصیحتیں فرمائیں۔ گو یہ ایک مختصر خطبہ تھا تاہم دین کے تمام اصول اس میں سمٹ آئے تھے۔ آپ ﷺ نے لوگوں کے ذہنوں میں دین اسلام کے أصول راسخ فرما دئیے تھے۔ اور بڑے اور بنیادی اصولوں کا ذکر کرتے ہوئے جزئیات اور تفصیلات کی طرف بھی اشارہ فرما دیا تھا۔
یقینا آپ ﷺ نے لوگوں کو اندھیروں سے نکال کر روشنی کی طرف لانے کیے بڑی محنت اور کوشش فرمائی تھی تاکہ اللہ تعالیٰ کی مشیئت سے ایک نئی اور توانا امت جنم لے جو واضح اہداف کی حامل ہو اور جو عظیم اصولوں پر عمل پیرا ہو۔ اللہ تعالیٰ نے اس امت کو انسانوں کی گمراہی کے بعد ہدایت عطا فرمائی، انتشار اور تفرقے کے بعد اجتماعیت اور اتحاد نصیب فرمایا اور جہالت کے بعد علم و دانش عطا فرمائی۔ آپ ﷺ نے خطبۂ حجۃ الوداع میں حقوق انسان واضح فرمائے اور آزادی کا مفہوم بھی متعین فرما دیا۔ انسانی عزت و کرام کے اصول واضح فرمائے۔ آپ ﷺ نے فرمایا: ’’سنو! تمھارا خون، تمہارا مال اور تمہاری عزتیں ایک دوسرے کے لیے اسی طرح قابلِ احترام ہیں جس طرح اس ملک اور اس شہر میں یہ دن حرمت والا ہے۔‘‘
اسلام نے ان پانچ ضروری چیزوں کی حفاظت یقینی بنائی ہے جس کے بغیر انسان کی زندگی ٹھیک طرح چل ہی نہیں سکتی۔ اسلام نے دین، جان، مال، عقل اور عزت پر حملہ کرنے سے منع فرمایا ہے۔ یہ اسی لیے ہے تاکہ لوگ امن وامان اور اطمینان کے ساتھ زندگی جی سکیں۔ دنیا وآخرت کے لیے اطمینان سے کام کر سکیں اور سارا معاشرہ سیسہ پلائی دیوار کی طرح اتحاد واتفاق کے ساتھ قائم اور استوار رہ سکے۔ تاکہ لوگوں کے احوال سنور جائیں اور ان کے معاملات درست ہو جائیں۔ آپ ﷺ نے اپنے عظیم خطبے میں مسلمان عورت کے بارے میں بھی نصیحت فرمائی۔ اس کے حقوق اور فرائض واضح فرماتے ہوئے یہ بھی واضح فرما دیا کہ ایک مسلمان عورت کو کیا ادا کرنا ہے اور بدلے میں کیاوصول کرنا ہے۔
اے مسلمانو!
اسلام نے یہ بات واضح کر دی ہے کہ اولادِ آدم ہونے کے لحاظ سے سب لوگ ایک جیسے ہیں۔ سب کے حقوق اور واجبات بھی ایک ہی جیسے ہیں۔ کسی عربی اور عجمی میں تقویٰ کے سوا کوئی فرق نہیں۔ کسی کو کسی پر کوئی نسبی یا نسلی برتری نہیں۔ کسی کو بر بنائے رنگ بھی کسی دوسرے پر کوئی برتری نہیں۔ آپ ﷺ نے فرمایا: ’’لوگو! تمہارا رب بھی ایک ہے اور تمھارا باپ بھی ایک ہی ہے۔ تم سب آدم کی اولاد ہو اور آدم مٹی سے بنائے گئے تھے۔ فرمان باری تعالیٰ ہے: ’’حقیقت میں اللہ کے نزدیک تم میں سب سے زیادہ عزت والا وہ ہے جو تمہارے اندر سب سے زیادہ پرہیز گار ہے۔‘‘ (الحجرات:13) کسی عربی کو کسی عجمی پر تقویٰ کے علاوہ کوئی فضیلت نہیں۔
اسی طرح اسلام کا اقتصادی نظام بھی بڑا منفرد اور شاندار ہے۔ اس میں لوگوں کی انسانی اور فطری ضروریات کا خیال بڑے توازن کے ساتھ رکھا گیا ہے۔ جس کی مثال کسی دوسرے نظام میں نہیں ملتی۔ فرمان باری تعالیٰ ہے: ’’جو مال اللہ نے تجھے دیا ہے اس سے آخرت کا گھر بنانے کی فکر کر اور دُنیا میں سے بھی اپنا حصہ فراموش نہ کر احسان کر جس طرح اللہ نے تیرے ساتھ احسان کیا ہے اور زمین میں فساد برپا کرنے کی کوشش نہ کر۔‘‘ (القصص:77)
۔۔۔۔۔۔۔۔۔۔۔۔۔
اسلام نے مالی لین دین کے عظیم اور مفید اصول وضع کیے ہیں جو سچائیاور عدل واحسان پر مبنی ہیں۔ ظلم، جہالت، دھوکے بازی، مکاری اور فریب کاری جیسی خرافات اور انسانوں کو گھاٹے میں ڈالنے والے معاملات سے روکتے ہیں۔ رسول اکرم ﷺ کا فرمان ہے: ’’دو تجارت کرنے والے اپنے معاملے میں اس وقت تک آزاد ہیں جب تک وہ سودہ کر کے الگ نہ ہو جائیں۔ اگر وہ سچائی کی بنا پر تجارت کریں گے اور زیر تجارت چیز کے عیب و اوصاف بیان کردیں گے تو ان کے سودے میں برکت شامل کر دی جائے گی۔‘‘ اسی طرح آپ ﷺ کا ارشاد گرامی ہے: ’’جو دھوکہ دہی کرتا ہے وہ ہم میں سے نہیں ہے۔‘‘
اسلام نے سود کو حرام قرار دیا ہے اور لوگوں کے مال نا جائز طریقوں سے ہتھیانے سے بھی روکا ہے۔
اسلام میں باہمی معاشرتی ذمے داریوں کی بڑی اہمیت ہے۔ اسلامی نظام صرف مادی چیزوں تک محدود نہیں ہے بلکہ وہ معاشرے کی تمام تر انفرادی اور اجتماعی، مادی اور روحانی ضروریات کو پورا کرتا ہے۔ فرمان باری تعالیٰ ہے: ’’جو کام نیکی اور خدا ترسی کے ہیں ان میں سب سے تعاون کرو اور جو گناہ اور زیادتی کے کام ہیں ان میں کسی سے تعاون نہ کرو‘‘ (المائدہ: 2)۔ اسی طرح فرمایا: ’’مومن مرد اور مومن عورتیں، یہ سب ایک دوسرے کے رفیق ہیں۔‘‘ (التوبہ:71)
تکافل یعنی باہمی ذمے داریوں کا دائرہ انتہائی وسیع ہے اور اس میں تمام لوگ اپنی ذمے داریوں سمیت سما جاتے ہیں۔ فرمان باری تعالیٰ ہے: ’’لوگو، ہم نے تم کو ایک مرد اور ایک عورت سے پیدا کیا اور پھر تمہاری قومیں اور برادریاں بنا دیں تاکہ تم ایک دوسرے کو پہچانو در حقیقت اللہ کے نزدیک تم میں سب سے زیادہ عزت والا وہ ہے جو تمہارے اندر سب سے زیادہ پرہیز گار ہے یقیناً اللہ سب کچھ جاننے والا اور باخبر ہے۔‘‘ (حجرات:13)
پھر اس میں نیکی اور بھلائی کی تمام شکلیں بھی شامل ہیں۔ اسلام نے والدین کی خدمت اور ان کے ساتھ احسان والا معاملہ کرنے کی بھی بڑی تلقین فرمائی ہے۔ فرمان باری تعالیٰ ہے: ’’اللہ نے فیصلہ کر دیا ہے کہ تم لوگ اس کے سوا کسی کی عبادت نہ کرو اور والدین کے ساتھ نیک سلوک کرو ۔‘‘(الاسراء:23)
اسلام نے رشتہ داروں سے قطع تعلق کرنے سے بھی منع کیا ہے اور رشتہ داری توڑنے والے کو بد ترین وعید سنائی ہے۔ فرمان باری تعالیٰ ہے: ’’اب کیا تم لوگوں سے اِس کے سوا کچھ اور توقع کی جا سکتی ہے کہ اگر تم الٹے منہ پھر گئے تو زمین میں پھر فساد برپا کرو گے اور آپس میں ایک دوسرے کے گلے کاٹو گے؟‘‘(محمد:22)
اسلام میں ہمسائے کے حقوق کا بھی خوب خیال رکھا گیا ہے۔ خاص طور قرابت دار ہمسائے کے حقوق کی طرف اور زیادہ توجہ دلائی گئی ہے۔ عام طور پر تمام ہمسائیوں کے حقوق کی تلقین کی گئی ہے۔ فرمان نبوی ہے: ’’جو اللہ اور روز آخرت پر ایمان رکھتا ہے وہ اپنے ہمسائے کی عزت کرے۔‘‘
اسلام نے انسانی جان کی حفاظت کو بھی پوری طرح یقینی بنایا ہے چنانچہ اس نے انسانی خون کو بہت زیادہ محترم قرار دیا ہے۔ دین میں جان کی حفاظت کو ایک عظیم مقصد بنایا گیا ہے۔ چنانچہ اسلام نے حکمرانوں کے خلاف بغاوت کو بھی حرام قرار دیا ہے۔ اسلام نے افراد کی تمام انفرادی اور اجتماعی مشکلات کا حل پیش کیا ہے اور ہر معاملے میں شرعی حدود وقیود واضح کر دی ہیں جو قطعی ، حتمی اور ناقابل تبدیل ہیں اور جن کو درست اور مفید ماننے پر آج کی جدید دنیا کا ہر شخص بھی مجبور ہیں، یہی حدود قیود ہیں جو اسلامی معاشرے میں مجرموں کو جرم سے روکے رکھتی ہیں اور مفسدوں کو مقررہ حدود سے تجاوز کرنے کی اجازت نہیں دیتیں اور یوں اس طرح سے یہ اصول وضوابط زمین پر عدل قائم کرنے کا ذریعہ بن جاتے ہیں۔ چنانچہ اسلام نے ان اصولوں پر عمل کرنا لازم قرار دیا ہے۔ فرمان باری تعالیٰ ہے: ’’سی وجہ سے بنی اسرائیل پر ہم نے یہ فرمان لکھ دیا تھا کہ "جس نے کسی انسان کو خون کے بدلے یا زمین میں فساد پھیلانے کے سوا کسی اور وجہ سے قتل کیا اس نے گویا تمام انسانوں کو قتل کر دیا اور جس نے کسی کی جان بچائی اُس نے گویا تمام انسانوں کو زندگی بخش دی۔‘‘ (المائدۃ:32)
اسلام ہی وہ معتدل اور متوازن طریقہ لے کر آیا ہے کہ جس کے ذریعے سے بھلائیاں حاصل ہو جاتی ہیں اور برائیاں کافور ہو جاتی ہیں۔ اسلام نے تعمیر وترقی اور فلاح و بہود کا حکم دیا ہے اور تعمیر وترقی کے تمام ااسباب و وسائل اپنانے کی نصیحت فرمائی ہے تاکہ مسلمان اپنے دینی اصول اسلام پر قائم رہتے ہوئے ہر جدید دور کے ساتھ چل سکیں اور جدید چیزوں کو سمجھ سکیں۔ اسی طرح اسلام نے فساد پھیلانے والے تمام ذرائع سے رکنے کا حکم دیا ہے اور اسلام کے عظیم مفادات کا خیال کرتے ہوئے ادنی مفادات کو نظر انداز کرنے کا حکم دیا ہے۔ اسی طرح دین اسلام کے مفادات، امت کی اجتماعی کمائی ، اس کے مستقبل اور اس کی ناموس کا خیال نہ کرنے والے کو دنیا وآخرت کی بد ترین وعید سنائی ہے اور ان مفادات پر اثر انداز ہونے سے روکا ہے۔
اے مسلمان حکمرانو اے امت اسلامیہ کے لوگو!کیا شک ہے کہ
آج ہماری امت اسلام اپنی تاریخ کے انتہائی مشکل مرحلہ سے گزر رہی ہے۔ ان حالات میں ہم پر لازم ہے کہ ہم تمام اختلافات چھوڑ کے اکٹھے ہو جائیں اور دل و جذبات میں ایک دوسرے کا خیال رکھیں، کسی بھی معاملے میں کوئی سا بھی موقف اختیار کرنے سے پہلے باہم مشورہ کر لیں، معاملات کو دیکھنے کا انداز ایک سا کر لیں اور اپنی کوششوں کو ہم آہنگ کر لیں تاکہ یہ امت مسائل اور مشکلات حل کرنے میں کامیاب حقیقی اعتبار سے کامیاب ہو سکے۔ ہمارے مسائل میں سب سے نمایاں مسئلہ مسئلۂ فلسطین اور مسجد اقصیٰ کا مسئلہ ہے۔ اسی طرح شام، عراق، یمن اور دیگر ممالک میں ہمارے بھائیوں کی خستہ حالت زار بھی سب کے سامنے ہے۔ اس وقت ہم سب سے کو سب سے بڑھ کی باہم مل بیٹھنے کی ضرورت ہے۔ اکٹھے بیٹھ کر اپنے معاملات پر توجہ دینے کی ضرورت ہے۔ ایک دوسرے کو بھلائی کی نصیحت کرنے کی ضرورت ہے تاکہ اخوت اسلامیہ کا اخوت و اتحاد اور یک جہتی و وحدت کا رنگ نظر آ سکے۔ یقینا ہم سب مسلمان آپس میں بھائی بھائی ہیں۔
ہمیں اچھی طرح ذہن نشین کر لینا چاہیے کہ معاشرے کی اصلاح، امت کی فلاح ، امن وامان کی بقا اور وحدت کی ضیا حکمرانوں کے ساتھ عوام کے تعاون پر موقوف ہے، حکمرانوں کے گرد جمع ہونے پر اور حکمرانوں کا ہاتھ بٹانے پر منحصر ہے۔
مسلمان حکمرانوں کا فرض ہے کہ وہ اپنے کندھے پر پڑنے والی بھاری امانت کا احساس کریں اور بھر پور ذمہ داری کا مظاہرہ کریں۔ وہ ذہن نشین کر لیں کہ اختلافات اور نزاع کا باعث بننے والے تمام جدید مسائل کو حل کرنا ان کی ذمہ داری ہے اور انہیں حل کرنے کا بہترین طریقہ باہممذاکرات اور باہمی تعاون، مشورہ، عدل اور ظلم کا خاتمہ ہے۔
اے امت اسلامیہ!
عدل اسلام کی عظیم بنیاد اور اساس ہے۔ یہ بہترین ترازو ہے۔ یہ رسولوں کا پیغام ہے۔ یہ رب العالمین کا حکم ہے۔ فرمان باری تعالیٰ ہے: ’’اللہ عدل اور احسان اور صلہ رحمی کا حکم دیتا ہے‘‘(النحل:90) اسی طرح فرمایا: ’اے لوگو جو ایمان لائے ہو، انصاف کے علمبردار اور خدا واسطے کے گواہ بنو اگرچہ تمہارے انصاف اور تمہاری گواہی کی زد خود تمہاری اپنی ذات پر یا تمہارے والدین اور رشتہ داروں پر ہی کیوں نہ پڑتی ہو‘‘.(النساء:35) فرمان باری تعالیٰ ہے: ’’ہم نے اپنے رسولوں کو صاف صاف نشانیوں اور ہدایات کے ساتھ بھیجا، اور اُن کے ساتھ کتاب اور میزان نازل کی تاکہ لوگ انصاف پر قائم ہوں۔‘‘(الحدید:25)
اسلام نے تمام تر اصول اور ضابطوں میں عدل کو بڑی اہمیت دی ہے۔ یہ اس لیے کہ عدل بذات خود بڑی اہم چیز ہے اور اس کے نتائج بڑے عمدہ ہیں۔ عدل کے ذریعے ہی انسانوں کی زندگی بھلی بن سکتی ہے اور اسی کے ذریعے نیکی پھل پھول اور پھیل سکتی ہے۔ اسی کے ذریعے خوشبختی حاصل ہو سکتی ہے اور عین اسی پر امت کی خیر وہدایت، بقا اور فلاح منحصر ہے۔ عدل سے بھلائی پھیلتی ہے اور نیکی بڑھتی ہے اور لوگوں کے دلوں میں سکون اور سرور آ جاتا ہے اور لوگوں کو چین نصیب ہوتا ہے۔
اسلام نے نیکی کا حکم دینے اور برائی سے روکنے کو بھی عظیم عبادت قرار دیا ہے اور اس کی بھی خوب ترغیب دلائی ہے۔ فرمان باری تعالیٰ ہے: ’’اب دنیا میں وہ بہترین گروہ تم ہو جسے انسانوں کی ہدایت و اصلاح کے لیے میدان میں لایا گیا ہے تم نیکی کا حکم دیتے ہو، بدی سے روکتے ہو اور اللہ پر ایمان رکھتے ہو۔‘‘ (آل عمران:110)
مسلمانو!
تمہارا دین باہمی لین دین اور باہمی برتاو کا دین ہے، انصاف اور رحمت کا دین ہے۔ یہ بہترین رویے سکھانے والا دین ہے، عمدہ فیصلے کرنے اور درست عمل اپنانے کا دین ہے۔ اسلام بھلے برتاؤ کے ذریعے ہی تو پھیلا ہے۔ اس طرح کے برتاؤ کے ذریعے کہ جس کے اصول اسلام نے وضع کیے ہیں اور جنہیں اسلام کے باشندوں نے اپنایا ہے۔ جیسے عدل، احسان، سچائی، امانت اور بھلے اخلاق۔
اسلام نے اخلاقی تربیت اور کردار سازی کے حوالے سےبھی بہترین اور عمدہ ترین نمونہ فراہم کرنے کو بھی بڑی اہمیت دی ہے۔ اے لوگو! لوگوں نےتمھارے نبی محمد ﷺ کو دیکھا تھا کہ وہ ایسے ہی اوصاف حمیدہ ، خصائلِ پاکیزہ اور محاسنِ عظیمہ سے متصف انسان تھے اور ان کی ذاتِ والا صفات میں یہ ساری صفات موجود ہیں۔ چنانچہ وہ ان زندہ نظر آتی مثالوں پر ایمان لائے، ان کے دل ودماغ نے ان اعلیٰ صفات کو بے ساختہ قبول کیا اور ان کے جذبات و احساسات نے انہیں بھلا سمجھا۔ پھر لوگوں نے ان صفات کو اپنانا شروع کیا اور اپنی زندگی میں نافذ کر دکھایا۔ آپ ﷺ لوگوں کے لیے بہترین استاد، بہترین نمونہ اور تربیت دینے والے تھے۔ فرمان باری تعالیٰ ہے: ’’در حقیقت تم لوگوں کے لیے اللہ کے رسولؐ میں ایک بہترین نمونہ تھا‘‘(الاحزاب:21) اسی طرح فرمایا: ’’اے محمدؐ، ہم نے جو تم کو بھیجا ہے تو یہ دراصل دنیا والوں کے حق میں ہماری رحمت ہے۔‘‘ (الانبیاء:107)
اے مسلمان نوجوانو!
آج کے دور میں جن مصیبتوں کا ہمیں سامنا ہے ان میں ایک نمایاں مصیبت زمین فساد برپا کرنے کی کئی شکلیں ظاہر ہونا ہے جنہیں ہم مجمل طور پر دہشتگردی کا نام دے سکتے ہیں۔ یاد رہے کہ وہ دہشتگردی کہ جس کی برائی بڑی بڑی قوموں، نسلوں اور مذاہب میں سرایت کر چکی ہے۔ اس برائی کو کسی قوم ، کسی دین، کسی ثقافت یا کسی ملک کی طرف منسوب نہیں کیا جا سکتا۔ دہشتگردی کی تہمت اسلام کے نام بھی قطعا نہیں لگائی جا سکتی۔
امت کی مصیبتوں میں سے ایک مصیبت یہ بھی ہے کہ اس کے کچھ باشندوں کو شیطان نے حق سے پھیر لیا ہے اور راہ راست سے بھٹکا دیا ہے۔ اس طرح وہ دین اسلام کے اعتدال پسند طریقے سے ہٹ گئے ہیں اور لوگوں پر کفر کے فتوے لگانے میں جلد بازی کرنے لگے۔ ہیں یقینًا یہ رویہ بڑے ہولناک نتائج سامنے لانے والا ہے۔ تکفیر سے مؤمنوں کے دل لرز اٹھتے ہیں اور مسلمانوں کی جانیں کانپ اٹھتی ہیں۔ کس قدر بے خوف لوگ ہیں کہ جنھوں نے مسلمانوں کا کافر قرار دیا ہے اور ان کی محترم اور محفوظ جانوں پر حملہ کرنا جائز سمجھا، انھوں نے اسلام کے عطا کردہ حرمت والے معاہدے توڑ ڈالے ہیں، زمین میں فساد برپا کیا ہے ۔ دھماکے کیے ہیںاور توڑ پھوڑ کی ہے۔
معصوم جانوں کو قتل کیا ہے، مسلمان اور غیر مسلم امن پسند شہریوں کو ڈرایا دھمکایا ہے، اللہ کی کتاب، سنت رسول ﷺ اور امت کے علما کے اجماع کو پس پشت ڈال دیا ہے کہ جو سب ان ناپاک اور بد ترین اعمال کو نا جائز قرار دینے پر متفق ہیں۔
تو مسلمان نوجوانو!
آپ پر بہت بڑی ذمہ داری عائد ہوتی ہے۔ آپ ہی امت کا سرمایہ اور آپ ہی اس کا مستقبل ہو۔ سو لازم ہے کہ ہر اس راستے سے بچو جو امت اسلامیہ کی صفیں بکھیرنے، تفرقہ بازی پھیلانے اور فرقہ واریت کو ہوا دینے والا ہو۔ جان رکھو کہ امت میں گمراہی اور انحراف پھیلانے کے اسباب میں سے قبلہ رخ ہو کر نماز ادا کرنے والے مسلمانوں کو کافر قرار دینے میں جلدی کرنا بھی ہے۔ یہ بہت بڑی مصیبت اور بڑا ہلاکت خیز رویہ ہے۔
یاد رکھو! نبی اکرم ﷺ نے بڑے زور دار انداز میں اور بہت ہولناک الفاظ میں اس بڑے گناہ سے بچنے کی تلقین فرمائی ہے۔ اللہ آپ کی نگہبانی فرمائے! اپنے آپ کو تقویٰ، علم اور سمجھ کے ذریعے ہر وقت ان چیزوں سے محفوظ رکھو۔ امت کے علما کی طرف رجوع کرو اور ان کی باتیں دلائل اور واضح نشانیوں کے ساتھ مانو۔
امت کو تم سے بڑی امیدیں وابستہ ہیں تو تم ساری دنیا کو اپنے دین کی بھلائیاں، اس کی نرمی، اس کی رحمت اور اس کے اخلاق حسنہ دکھاؤ۔ دوسروں کے لیے بہترین نمونہ بنو۔ اپنے فارغ اوقات کا بھر پور فائدہ اٹھاؤ، اپنی صلاحیتیں ان اعمال میں صرف کرو جن میں امت اسلامیہ کی فلاح وبہبود ہو، اسی میں تمھاری اور اسلام کی عزت ہے اور اسی میں دنیا وآخرت میں آپ کا فائدہ ہے ۔
اے تربیت دینے والو!
بھلے اخلاق تمام آسمانی شریعتوں کا مرکز ومحور اور جوہر ہیں۔ نبی اکرم ﷺ کی بعثت کا مقصد بھی اخلاق درست کرنا ہی تھا۔ اللہ تعالی کا فرمان ہے: ’’وہی ہے جس نے امیوں کے اندر ایک رسول خود اُنہی میں سے اٹھایا، جو اُنہیں اُس کی آیات سناتا ہے، اُن کی زندگی سنوارتا ہے،‘‘۔ (الجمعہ:2)
اللہ تعالیٰ نے قرآن کریم میں نبی اکرم ﷺ کی تعریف کرتے ہوئے فرمایا ہے۔ : ’’اور بیشک تم اخلاق کے بڑے مرتبے پر ہو‘‘ (القلم:4)
اسلام نے لوگوں کی اخلاقی تربیت، کردار سازی اور نیکی پر نفوس کی تربیت کرنے کو اپنی ترجیحات میں اولیت دی ہے۔ چنانچہ عظیم دینی اخلاق پر نفس کی تربیت اسلام کا طریقہ ہے اور یقینا اسی طرح سے لوگوں کو سکون اور چین اور کامیابی حاصل ہو سکتی ہے۔ فرمان باری تعالیٰ ہے: ’’اور نفس انسانی کی اور اُس ذات کی قسم جس نے اُسے ہموار کیا پھر اُس کی بدی اور اُس کی پرہیز گاری اس پر الہام کر دی یقیناً فلاح پا گیا وہ جس نے نفس کا تزکیہ کیا اور نامراد ہوا وہ جس نے اُس کو دبا دیا۔‘‘ (الشمس:10-7)
اسی تربیت کی وجہ سے ہی لوگ افضلیت میں ایک دوسرے سے بڑھ سکتے ہیں۔ فرمان نبوی ہے: تم میں بہترین وہ ہے جو سب سے اچھے اخلاق کا حامل ہے‘‘
مسلمانوں کے بعض معاشروں کو عملی اعتبار سے ان حسین اصولوں سے دوری کا سامنا ہے۔ یہ بڑی خطرناک چیز ہے اور ہمارے لئے بہت بڑا چیلنج ہے۔ چنانچہ اے والدین، اے تربیت دینے والو! آپ کے سر پر بچوں کی بھلی اور اخلاق پر مبنی تربیت کی عظیم ذمہ داری ہے۔ خاص طور پر اس زمانے میں کہ جس میں برائی اور فتنے کے اسباب عام ہو چکے ہیں۔ آج جنگ نے ایک نیا روپ اختیار کر لیا ہے اور وہ اصول ومبادئ اور اخلاق کی جنگ بن چکی ہے۔
اے اسلام کے علما!
آپ انبیا کے وارث ہو، انبیا کے پیغام کے حامل ہو، آپ پر ساری امت کی فلاح وبہبود منحصر ہے۔ سو سنو! امت میں اختلافات پھیلانے کا سبب مت بنو۔ بھلائی کی طرف لوگوں کی رہنمائی کرو، حق بیان کرو، باطل کی حمایت مت کرو، لوگوں کو راہ دکھاؤ، لوگوں کو شریعت اسلامیہ کے مطابق فتوے دو، نہ تشدد کرو اور نہ حد سے زیادہ نرمی برتو۔ اللہ کا دین تشدد اور نرمی کے مابین رہتا ہے۔ فرمان باری تعالیٰ ہے: ’’ور اِسی طرح تو ہم نے تمہیں ایک "امت وسط" بنایا ہے۔‘‘ (البقرۃ:143)
لوگوں کے لیے آسانیاں پیدا کرو اور ان کی مشکلات دور کرو۔ فرمان الٰہی ہے: ’’دین میں تم پر کوئی تنگی نہیں‘‘(الحج:78) رسول مکرم ﷺ کو جب بھی دو چیزوں میں سے ایک اپنانے کا کہا گیا تو آپ ﷺ نے آسان چیز اختیار فرمائی۔ الا یہ کہ آسان چیز گناہ پر مشتمل ہو۔
اے اللہ کی طرف بلانے والو!
اللہ کی طرف بلانا انبیا اور رسولوں کا کام ہے۔ تو آپ دعوت کے معاملے صحیح طریقہ اپناؤ۔ علم، سمجھ داری اور اخلاص کے ساتھ دعوت دو۔ فرمان باری تعالیٰ ہے: ’’ادع إلے سبیل ربک ... أحسن‘‘
اسی طرح فرمایا: ’’(اے پیغمبرؐ) یہ اللہ کی بڑی رحمت ہے کہ تم اِن لوگوں کے لیے بہت نرم مزاج واقع ہوئے ہو ورنہ اگر کہیں تم تند خو اور سنگ دل ہوتے تو یہ سب تمہارے گردو پیش سے چھٹ جاتے ۔‘‘ (آل عمران:159) دوسروں کے لیے اچھا نمونہ بنو۔ جنہیں دعوت دے رہے ہو، ان پر رحم کرو، بھلے انداز سے گفتگو اور بحث کرنا آپ کی دعوت کا اسلوب ہونا چاہیے۔ علم کو اپنا اسلحہ بنائیے۔ لوگوں کی حق کے ذریعے رہنمائی کرنا اپنا ہدف بنائیے۔ فرقہ وارانہ رویے سے بچئے! نئے فرقے اور گروہ ایجاد کرنے سے باز رہئے۔ الگ ہونے اور نئی شناخیں بنانے سے گریز کیجے۔ فرمان باری تعالیٰ ہے: ’’سب مل کر اللہ کی رسی کو مضبوط پکڑ لو اور تفرقہ میں نہ پڑو ۔‘‘ (آل عمران:103) اسی طرح فرمایا: ’’آپس میں جھگڑو نہیں ورنہ تمہارے اندر کمزوری پیدا ہو جائے گی۔‘‘ (الانفال:46)
اے میڈیا کے لوگو! اے سوشل میڈیا کے حاملو!
میڈیا، میڈیا کے ذرائع اور میڈیا کی سائیٹس کو دین کے فائدے کے لیے، اس کا دفاع کرنے کے لیے برتو ۔ اس کی خیر اور بھلائیاں بیان کرنے میں میڈیا استعمال کرنے کا اہتمام کرو۔ الفاظ کے استعمال میں ذمہ داری مظاہرہ کرو، اپنی بات پر قائم رہنا سیکھو اور سچائی سے کام لو۔ قلم کی ذمہ داری کو سمجھو۔ حقیقت پسندی سے کام لو۔ با مقصد طریقۂ تحریر اپناؤ۔ ہلچل مچانے والی تحریروں سے، افواہوں سے اور تنقید برائے تنقید سے دور رہو۔ ان ذرائع کو بنانے والا بناؤ بگاڑنے والا نہ بناؤ۔ جمع کرنے والا بناؤ، تفرقہ پھیلانے والا نہ بناؤ۔ قوت پھیلانے والا بناؤ، کمزور کرنے والا نہ بناؤ۔
اے بیت اللہ کے حاجیو!
آپ حرمت والے شہر میں ہیں۔ اس کی عظمت کو جانو اور اس کی تقدس ذہن نشین کر لو۔ اللہ تعالیٰ نے اس محترم شہر کو ایسی خصوصیات سے مختص فرمایا ہے کہ جو کسی دوسرے شہر کو نہیں ملیں۔ یہ امن والا ہے، محترم ہے اور قیامت تک یوں ہی رہے گا۔ فرمان الٰہی ہے: ’’ جو اِس (مکہ) میں داخل ہوا مامون ہو گیا۔‘‘
یہ حضرت ابراہیم علیہ السلام کی دعا تھی، فرمان الٰہی ہے: ’’"پروردگار، اِس شہر کو امن کا شہر بنا اور مجھے اور میری اولاد کو بت پرستی سے بچا۔‘‘ (ابراہیم:35) اللہ تعالیٰ اس شہر کو اپنے نبی ابراہیم علیہ السلام کے لیے منتخب فرمایا تھا۔ فرمان الٰہی ہے: ’’اور لوگوں کو حج کے لیے اذنِ عام دے دو کہ وہ تمہارے پاس ہر دور دراز مقام سے پیدل اور اونٹوں پر سوار آئیں۔‘‘ (الحج:27) حضرت ابراہیم علیہ السلام اللہ تعالیٰ کے اس حکم پر لبیک کہا۔ میں حاضر ہوں اے اللہ! میں حاضر ہوـ میں حاضر ہوں۔ تیرے سوا کوئی الٰہ نہیں ہے۔ میں حاضر ہوں۔ تعریف بھی تیری ہی ہے اور ساری نعمتیں بھی تیری اور ساری بادشاہت بھی تیری ہی ہے۔ تیرا کوئی شریک نہیں ہے۔ پھر حضرت ابراہیم علیہ السلام کے بعد اللہ کے انبیا، رسول اور اللہ کے بندے اسی طرح لبیک کہتے رہے۔
اللہ نے انہیں بلایا تو انہوں نے راضی ہوتے ہوئے اور محبت کرتے ہوئے اس پاکر پر لبیک کہا۔ پھر جب انہوں اللہ کو پکارا تو اللہ ان کے نفس کی نسبت ان سے زیادہ قریب تھا۔
اللہ کے گھر کے حاجیو!
دیکھو! تم اللہ کے امن والے شہر میں آئے ہو، تمھارے کے لیے راستے آسان کر دیے گئے ہیں۔ آپ کی مشکلات آسان کر دی گئی ہیں۔ اللہ کی نعمتوں پر اس کا شکر ادا کرو! مزید فضل وکرم کا سوال کرو! یہ اللہ کا مقدس گھر ہے۔ اللہ کے نازل کردہ امن کی وجہ سے امن والا ہے۔ فرمان الٰہی ہے: ’’اور قسم ہے اِس پرامن شہر (مکہ) کی۔‘‘(التین:3) اللہ کے نازل کردہ احکام کے مطابق حرمت والا اور محترم ہے۔ اس کے امن کو تباہ کرنے سے بچو۔ اس کے مقامات کا احترام کرو۔ فرمان باری تعالیٰ ہے: ’’یہ ہے اصل معاملہ (اسے سمجھ لو)، اور جو اللہ کے مقرر کردہ شعائر کا احترام کرے تو یہ دلوں کے تقویٰ سے ہے۔‘‘ (الحج:32) اسی طرح فرمایا: ’’یہ تھا (تعمیر کعبہ کا مقصد) اور جو کوئی اللہ کی قائم کردہ حرمتوں کا احترام کرے تو یہ اس کے رب کے نزدیک خود اسی کے لیے بہتر ہے‘‘ (الحج:30)
عبادت گاہوں کا صاف ستھرا ماحول آلودہ کرنے سے اجتناب کرو۔ فرمان الٰہی ہے: ’’اِس (مسجدِ حرام) میں جو بھی راستی سے ہٹ کر ظلم کا طریقہ اختیار کرے گا اسے ہم درد ناک عذاب کا مزا چکھائیں گے۔‘‘ (الحج:25)
حرمین کا امن اور حجاج کی سلامتی ایسی سرخ لائنیں ہیں جن سے آگے بڑھنا، سیاسی بینرز اٹھانا یا فرقہ وارانہ نعرے لگانا کسی صورت برداشت نہیں کیا جا سکتا۔
اس ملک پر اللہ کا فضل وکرم ہے کہ اس ملک کو اس نے حکمت والی قیادت مہیا فرمائی ہے۔ جو حرمین کی خدمت اور نگہبانی کے ذریعے شرف حاصل کرتی ہے۔
حکومت نے خدمات کا طویل سلسلہ تیار کر رکھا ہے اور ہر قسم کی ممکنہ کوشش کی ہے تاکہ حرمین میں آنے والے امن وامان اور اطمینان کے ساتھ اپنی عبادت سر انجام دے سکیں۔
۔۔۔۔۔۔۔۔۔۔۔۔۔
اجمل بھٹی صاحب
اللہ تعالیٰ ہمارے حاکم سلمان بن عبدالعزیز کو اسلام اور مسلمانوں کی خدمت پر جزائے خیر عطا فرمائے اور اس کی کاوشوں کو بابرکت بنائے۔ اس کی تمام کاوشوں کو اس کے لیے باعث اجر و ثواب بنائے اور اسے صحت و عافیت سے نوازے۔ اللہ تعالیٰ ہمارے حاکم اس کے دونوں نائبین اور تمام ساتھیوں کو اپنی رضا اور خوشنودی والے کام سر انجام دینے کی توفیق عطا فرمائے۔ اس طرح ہم ہر اس شخص کے لیے دعا گو ہیں جس نے حج کی ادائیگی کو آسان بنانے میں اپنی خدمات پیش کیں اور حجاج کرام کو ادائیگی حج میں اطمینان و سکون فراہم کیا۔ ان سب کے سرخیل امیر حج اور امیر مکہ کو اللہ حاجیوں کی طرف سے جزائے خیر عطا فرمائے۔
اسی طرح بہادر سیکورٹی فورسز کے اراکین کو بھی اللہ جزائے خیر سے نوازے، جنہوں نے حجاج کرام کی خدمت اور ہماری ملکی حدود کی حفاظت کیلئے عظیم قربانیاں دی ہیں۔ اللہ تعالیٰ ان کی قربانیاں قبول فرمائے اور ان کی کوششوں کو بابرکت بنائے۔
ہم اللہ تعالیٰ سے ان کے قول و عمل کی درستی کی دعا کرتے ہیں۔ اللہ ان کی کاوشوں کو خیر و برکت کا باعث اور اجر عظیم کا سبب بنائے۔
یہ اور ان کے دیگر بھائی جو حجاج کرام اور حرمین شریفین کی خدمت پر مامور ہیں۔ کوئی حجاج کرام کی راہنمائی کیلئے فتویٰ دے رہا ہے، کوئی دعوت و ارشاد کے لیے مقرر ہے، کوئی صحت و سلامتی کے لیے خدمات دے رہا ہے اور اس جیسی دیگر کئی ذمہ داریاں نبھانے والے کئی اور کتنے ہی لوگ ہیں، اللہ تعالیٰ ان سب کو اجر عظیم عطا فرمائے۔
اے حجاج کرام!
تمہارا آج کا دن بڑا عظیم اور مبارک دن ہے۔ نبی کریم eفرماتے ہیں: جتنے لوگوں کو اللہ تعالیٰ عرفہ کے دن جہنم سے آزادی عطا فرماتے ہیں، کسی اور دن عطا نہیں کرتے۔ اس دن اللہ تعالیٰ اپنے بندوں کے قریب ہوتا ہے پھر فرشتوں کے سامنے بندوں پر فخر کا اظہار فرماتا ہے اور ان سے پوچھتا ہے: ’’میرے یہ بندے کیا چاہتے ہیں؟‘‘
اور ایک روایت میں یہ الفاظ ہیں: میرے ان بندوں کو دیکھو کہ کس طرح میلے کپڑوں اور غبار آلود بالوں کے ساتھ حاضر ہیں، اے فرشتو! تم گواہ ہو جائو کہ میں نے انہیں معاف کر دیا ہے۔‘‘
لہٰذا آج خوب دعائیں مانگو۔ نبی کریم e فرماتے ہیں: ’’بہترین دعا عرفہ کے دن کی دعا ہے اور وہ بہترین دعا جو میں نے اور مجھ سے پہلے انبیائے کرام نے اللہ سے کی ہے، وہ یہ ہے:
لا الہ الا اللہ وحدہ لا شریک لہ لہ الملک ولہ الحمد و ھو علی کل شی ءٍ قدیر
’’اللہ کے سوا کوئی معبود حقیقی نہیں، وہ اکیلا ہے اس کا کوئی شریک نہیں۔ ساری بادشاہی اسی کی ہے۔ سب تعریفیں اسی کے لیے ہیں اور وہ ہر چیز پر قادر ہے۔‘‘
لوگو! اپنے نبی کی سنت کا اہتمام کرو۔ عرفہ میں وقوف کرو۔ ابھی ظہر و عصر کی نمازیں جمع اور قصر کر کے ادا کرو۔ جیسا کہ تمہارے نبی eنے کیا تھا اور فرمایا تھا: ’’مجھ سے اپنے حج کے احکام سیکھ لو۔‘‘
پھر مغرب کے بعد مزدلفہ چلے جائو، وہاں پہنچ کر مغرب و عشاء کی نمازیں جمع اور قصر کر کے ادا کرو۔ آدھی رات کے بعد منیٰ جا کر جمرہ عقبہ کو کنکریاںمارو۔ پھر ایام تشریق کی راتیں منیٰ میں گزارو۔ جو منیٰ میں دو دن رہ کر واپس جانا چاہے وہ 11اور 12 تاریخ کو تمام جمرات کو کنکریاں مارے اور جو 13تاریخ کو بھی منیٰ رہنا چاہے وہ 13کو بھی کنکریاں مارے۔ ارشادِ باری تعالیٰ ہے:
’’جو دو دنوں میں جلدی کرے، اس پر کوئی گناہ نہیں اور جو تاخیر کرے (13 واں دن بھی منیٰ میں گزارے) اس پر بھی کوئی حرج نہیں۔ جو متقی ہو۔‘‘
جان لو کہ تمام راتوں میں بھی کنکریاں ماری جا سکتی ہیں۔ اللہ تمہاری حفاظت فرمائے۔ مقامات مقدسہ کے درمیان نقل و حرکت کے دوران خصوصی ہدایات و قوانین پر عمل کرو۔ تمام مناسک حج کی ادائیگی میں متعلقہ اداروں کی راہنمائی پر عمل کرو۔ دھکم پیل اور دوسروں کو تکلیف دینے سے بچو۔ آرام و سکون سے چلو اور نیکی و بھلائی کے کاموں میں ایک دوسرے سے تعاون کرو۔ گناہ اور برائی میں ایک دوسرے کا ساتھ مت دو۔ اللہ سے ڈرو۔ اپنی زبان اور دیگر اعضاء کو کنٹرول میں رکھو۔ صبر، حوصلے ،خوشخبری اور حسن ظن سے کام لو۔ شکست خوردگی ، مایوسی اور نا امیدی سے بچو۔ کیونکہ اللہ کا دین ہی کامیاب ہے اور اللہ اپنے دین کا ، شہروں کا اور بندوں کا محافظ ہے۔ عزت اللہ ،اس کے رسول اور مومنوں کیلئے ہے اور اللہ اپنے امر پر غالب ہے، لیکن اکثر لوگ نہیں جانتے۔
اللہ کے بندو!
تمہارا بہترین عمل، اللہ کے ہاں نہایت پاکیزہ اور درجات کو بلندی دینے والاعمل، اللہ کے رسول مصطفیٰ پر کثرت سے درود و سلام بھیجنا ہے۔ جیسا کہ ارشادِ ربانی ہے:’’اللہ اور اس کے فرشتے نبی پر درود بھیجتے ہیں۔ اے ایمان والو! تم بھی اس پر درود و سلام بھیجو۔‘‘
اے اللہ! اپنے نبی اور بندے ہمارے پیارے رسول محمد eپر درود و سلام بھیج۔ اے محمد eکی سفارش چاہنے والو، نبی پر درود و سلام بھیجو۔ اس وقت تک درود و سلام بھیجتے رہو کہ جب تک حج کرنے والے لبیک پکارتے رہیں۔ اللہ ذوالجلال نبی علیہ السلام پر اپنی بے شمار رحمتیں اور برکتیں نازل فرمائے۔
اے اللہ! اپنے نبی کے خلفائے راشدین ابوبکر، عمر، عثمان اور علی ] اور تمام صحابہ کرام سے راضی ہو جا۔ تابعین کرام اور تاقیامت نیکی میں ان کے نقش قدم پر چلنے والوں سے راضی ہوجا۔ اے ارحم الراحمین! اپنے فضل و کرم سے هہمیں بھی معاف کر دے اور ہم سے راضی ہو جا۔
اے اللہ! اسلام اور مسلمانوں کو عزت و غلبہ عطا فرما۔ اے اللہ! اسلام اور مسلمانوں کو غلبہ دے دے۔ اسلام کی حفاظت فرما۔ کلمہ حق اور دین اسلام کو سر بلند کر دے۔ حجاج کرام اور عمرہ کرنے والوں کو سلامتی عنایت فرما۔ اے اللہ! ملت اسلامیہ کو ہر بھلائی کی توفیق عطا فرما۔ اے اللہ! مومن مردوں اور عورتوں، مسلمان مرد و خواتین کو معاف فرما دے۔ ان کے دلوں کو جوڑ دے۔ ان کے باہمی جھگڑے ختم فرما دے۔ انہیں ہدایت کی راہوں پر گامزن فرما۔ انہیں ان کے دشمن اور اپنے دشمن پر غلبہ عطا فرما۔ انہیں ظاہری اور باطنی فتنوں اور برائیوں سے محفوظ فرما۔ اے اللہ! دکھیوں کےد کھ دور فرما۔ پریشان حال لوگوں کی پریشانیاں دو رکر دے۔ مقروضوں کے قرض ادا کر دے۔ ہمارے اور مسلمانوں کے مریضوں کو شفا عطا فرما دے۔ اے اللہ! مسلمانوں کے دلوں کو اپنی اطاعت پر ثابت رکھ۔ انہیں شریر لوگوں کے شر سے بچا۔ اے اللہ! ہمیں ہمارے وطنوں میں امن و امان عطا فرما۔ اے اللہ! ہمارے ائمہ کرام اور حکمرانوں کی اصلاح فرما۔ یامنان یا دیان! ہمارے حاکم سلمان اور اس کے دونوں نائبین کو ہر خیر و بھلائی کی توفیق عطا فرما۔ اے ذوالجلال والاکرام۔ انہوں نے حرمین شریفین، مقامات مقدسہ اور حجاج کرام کے لیے جو خدمات سر انجام دیں، انہیں قبول فرما۔ انہیں ان کے میزانِ حسنات میں شمار فرما۔ اے اللہ! اے ذوالجلال والاکرام اس ملک کے امن و سکون، خوشحالی، عقیدے اور حاکموں کی حفاظت فرما۔ اے اللہ! ہمارے حفاظتی دستوں کی حفاظت فرما۔ حرمین شریفین اور حجاج کرام کی حفاظت کی خدمات کی جزائے خیر عطا فرمائے۔
ہماری سرحدوں کی حفاظت پر انہیں بہترین ثواب عطا فرما۔ اے اللہ! جو ہمارے ملک، ہمارے مقامات مقدسہ اور امن و امان کو برباد کرنے کے منصوبے بنائے، اے اللہ! اس کے برے منصوبوں کو اس کے گلے کا ہار بنا دے اور اسے اس کی جان کی فکر میں ڈال دے۔ اس کی چالوں کو اس کی بربادی کا ذریعہ بنا دے۔ اے اللہ! مسلمان حکمرانوں کو کتاب و سنت کے مطابق فیصلے کرنے کی توفیق دے۔ اے اللہ! امت اسلامیہ کی حالت زار بدل دے اور انہیں کتاب و سنت پر جمع کر دے۔ اے فضل و کرم اور عطا کرنے والے! اے اللہ! ہمارے حج کو حج مبرور اور ہماری سعی کو مقبول سعی بنا دے۔ ہمارے گناہ معاف فرما دے۔ اے ارحم الراحمین! اے اللہ! ہمارے حاکم کو تمام اقوال و اعمال میں توفیق اور درستی عطا فرما۔ اے پروردگار اس کی عمر و عمل میں برکت فرما۔ ا س کے اعمال کو اپنی خوشنودی کا باعث بنا دے۔ اسے خیر خواہ ساتھی عطا فرما۔ اے اللہ! پوری دنیا کے مسلمانوں کے حالات درست فرمادے۔ ان کی جانیں محفوظ فرما دے۔ ان کے دکھ دور کر دے۔ ان کے نوجوانوں کو ہدایت عطا فرما۔ بیماروں کو تندرستی دے دے۔ آزمائش میں گھرے ہووں کو عافیت سے نواز دے۔
بندگانِ الٰہی! ﵃
ہمارے عظیم مفتی اور جلیل القدر عالم کا شکریہ ادا کرنا اور ان کے لیے دعا کرنا واجب ہے۔ جنہوں نے 35سال تک اس منبر سے خطبہ حج ارشاد فرمایا۔ انہوں نے 35سال امت کی راہنمائی کی اور ان سے خیر خواہی کا فریضہ ادا کیا۔ اللہ انہیں جزائے خیر عطا فرمائے۔ انہیں ڈھیروں ثواب دے ۔ان کی عمر، علم اور عمل میں برکت دے۔ اے اللہ !تو نے آج کے اس عظیم دن میں جتنی خیر و برکت، صحت و سلامتی، وسیع رزق اور جہنم سے آزادی رکھی ہے، ہمیں اس سے خوب سرفراز فرما اور ہمیں ان خوش نصیبوں میں شامل فرما جن کی بدولت تو اپنے فرشتوں کے سامنے فخر کا اظہار فرماتا ہے اور کہتا ہے: ’’جائو! میں نے تمہیں معاف کیا۔‘‘
اے اللہ! مسلمانوں کی جانیں محفوظ فرما۔ اے اللہ! پوری دنیا میں ہمارے مظلوم دینی بھائیوں کی مدد فرما۔ اے اللہ! ہمارےفلسطینی بھائیوں کی مدد فرما۔ یہودی استعمار سے مسجد اقصیٰ کو آزادی عطا فرما اور اسے تاقیامت عظمت و شان عطا فرما۔ اے اللہ! ہمارے شامی بھائیوں کا مددگار ہو جا۔ اے اللہ! وہ بڑے مظلوم ہیں ان کی مدد فرما۔ اے مظلوموں کی مدد فرمانے والے۔ اے اللہ! عراق، یمن ، اراکان اور تمام علاقوں میں ہمارے بھائیوں کے حالات سنوار دے۔ اے اللہ! ہمارے حفاظتی دستوں اور دینی محافظوں کی مدد فرما۔ اے اللہ! ہمارے ملک کی مدد فرما اور ہمارے ملک کو امن و امان کا گہوارہ بنا۔ تمام اسلامی ممالک کو امن و سکون عطا فرما۔
’’اے ہمارے رب، ہمیں اور ہمارے اُن سب بھائیوں کو بخش دے جو ہم سے پہلے ایمان لائے ہیں۔‘‘(الحشر:10)
’’اے ہمارے رب! ہمیں دنیا میں بھی بھلائی دے اور آخرت میں بھی بھلائی عطا فرما اور آگ کے عذاب سے ہمیں بچا۔‘‘(البقرۃ:201)
’’اے ہمارے رب، ہم سے یہ خدمت قبول فرما لے، تو سب کی سننے اور سب کچھ جاننے والا ہے۔‘‘(البقرۃ:127)
اے اللہ! ہماری ، ہمارے والدین، ہمارے اجداد اور تمام مسلمان مرد و خواتین کی بخشش فرما۔ بلاشبہ تو بڑا سننے والا، قریب اور دعائوں کو قبول کرنے والا ہے۔
سبحان ربک رب العزۃ عما یصفون و سلام علی المرسلین والحمدللہ رب العالمین (بشکریہ پیغام ٹی وی۔ واضح رہے امام حج الشیخ عبدالرحمٰن السدیس پاکستانی چینل پیغام ٹی وی کے بورڈ آف ڈائریکٹرز کے چئیر میں ہیں۔)

محترم ومکرم جناب :
السلام عليكم ورحمۃ اللہ وبرکاتہ
امید ہے مزاج گرامی خیر وعافیت سے ہوں گے.
محترم :ألحمد للہ،،،،،مرکز اسلامی جماعت اسلامی ایبٹ آباد،مقدس ٹاؤن میں مرکز علوم اسلامیہ، ایبٹ آباد کے نام سے دینی ادارے کا آغاز ہو چکا ہے، جس کا افتتاح شیخ القرآن والحدیث مولانا عبدالمالک صاحب(صدر جمعیت اتحاد العلماء پاکستان) نے 09 اپریل 2021ء کو کیا تھا. ادارے میں اس وقت شعبہ حفظ قرآن میں 20 طلبہ رہائشی موجود ہیں، جن کے قیام وطعام کا بندوبست بھی کیا جاتا ہے. اس کے علاوہ ناظرہ قرآن کی کلاس میں 35 طلبہ وطالبات زیر تعلیم ہیں.ہزارہ ڈویژن میں اس وقت یہ پہلا تحریکی ادارہ ہے.
ادارے کے ماہانہ اخراجات ایک لاکھ پچاس ہزار سے تجاوز کر جاتے ہیں.
ادارے کی انتظامیہ نے ماہ شوال سے درس نظامی بمع سکول کلاسز کے آغاز کا فیصلہ کیا ہے. جس کےلیے کم از کم ضروری تعمیراتی کام کا آغاز کیا جارہا ہے. کیونکہ اس وقت جتنی گنجائش موجود ہے اس کے مطابق کلاسز چل رہی ہیں. ادارے کی تمام تعمیرات کا تخمینہ تقریباً پانچ کروڑ روپے ہے. جبکہ ابھی جو ضروری اور فوری تعمیرات کروانی ہیں ان کا تخمینہ ایک کروڑ بیس لاکھ روپے ہے. ہمارا ارادہ ہے کہ اس ادارے کو ان شاء اللہ ہر لحاظ سے ایک ماڈل ادارہ بنائیں گے.
آپ سے گزارش ہے کہ اس علمی و فکری کام میں خود بھی تعاون کریں اور اپنے جاننے والوں سے بھی بڑھ چڑھ کر تعاون کروائیں.
اللہ پاک ہماری کوششوں وکاوشوں کو بارآور فرمائے اور اپنی رضا کےلیے کام کرنے کی توفیق عطا فرمائے..... آمین
والسلام
عبيدالرحمٰن عباسی
مہتمم مرکز علوم اسلامیہ،ایبٹ آباد
نائب أمير جماعت اسلامی خیبر پختونخواہ
03015074712
03461208557

Ubaid Abbasi

پاکستان پولیٹیکل فورم
ایک ایسا سیاسی پلیٹ فارم جو تمام سیاسی پارٹیوں کو اکٹھا کرنا چاہتا ہے تاکہ ملکی مسائل ، وسائل ، ٹیلنٹ اور آبادی کا بہترین استعمال کیا جا سکے۔ اگر آپ کوئی سیاسی پارٹی چلا رہے ہیں ، کسی پارٹی کے سرگرم رکن ہیں یا سیاست سے دلچسپی رکھتے ہیں تو اس گروپ کو ضرور جوائن کیجیے۔ اس گروپ کا مقصد پاکستان کو مسائل کی دلدل سے نکال کر ترقی اور خوشحالی کی راہ پر گامزن کرنا ہے۔ یہ بات طے ہے کہ یہ فرد واحد کی ذمہ داری نہیں بلکہ تمام سیاسی ذہنوں کی مشترکہ کاوش کا نتیجہ ہو سکتا ہے۔ اگر آپ بھی پاکستان کو خوشحال اور ترقی یافتہ ملک دیکھنا چاہتے ہیں تو اس کاوش کا حصہ بنیئے۔ جب پاکستان کی تمام سیاسی جماعتیں مل بیٹھ کر باہمی اتحاد سے مشترکہ طور پر فیصلے کریں گی تو یہ فیصلے پاکستان کے لیے بہترین ثابت ہوں گے۔ اپنی اپنی پارٹیوں کو برقرار رکھتے ہوئے مشترکہ بیانیہ ، مشترکہ لائحہ عمل اور مشترکہ احتجاج حکمران جماعت کی سمت درست رکھنے میں مددگار ثابت ہو گا۔ آئیے مل کر مہنگائی ، بیروزگاری ، کرپشن ، لاقانونیت ، لوٹ گھوسٹ ، جہالت ، بد انتظامی ، بدمعاشی اور وسائل کے ضیاع کو بھر پور طریقے سے روکنے میں ایک دوسرے کے مددگار بن جائیں۔ اتفاق میں برکت ہوتی ہے آئیے اس برکت سے فیضیاب ہونے کی کوشش کریں۔ آپ کے وقت اور تعاون کا شکریہ

راجہ ارشد
فاؤنڈر چیئرمین
عام انسان پارٹی عام انسان کی آواز
Call /WhatsApp : +923218481929
www.aaminsan.com
#AamInsan ‎#AamInsanParty ‎#DigitalPakistan ‎#VoiceOfACommonMan

https://www.facebook.com/groups/1255481101955526/?ref=share_group_link

It seems most people in Pakistan are involved in this

اسلام میں، غیبت (بیک بائٹنگ) ایک بڑا گناہ سمجھا جاتا ہے اور اس کی وجہ یہ ہے کہ دوسرے کی خامیوں یا غلط کاموں کی بنا پر غیبت جواز نہیں حاصل کر سکتی۔ بلکہ غیبت کو ان کے حقوق کی خلاف ورزی اور نقصان دہ اثرات پیدا کرنے والی چیز سمجھا جاتا ہے۔ یہ بات زہن میں رکھنی چاہئے کہ اگرچہ شخص جو غیبت کر رہا ہو سچ بول رہا ہے، تاہم اس کا مطلب یہ نہیں کہ غیبت کرنا جائز ہو جائے۔

اسلام میں سچ بولنا اور مسائل اور پریشانیوں کا تعمیری اور احترامی انداز میں حل کرنا اہمیت کا حامل ہے۔ اگر کسی کے ساتھ کوئی مسئلہ یا تکلیف ہو تو اسے براہ راست ان کے ساتھ حل کرنے کی سفارش کی جاتی ہے، بجائے اس کے کہ ان کے پیچھے بات کریں۔

اگر کوئی شخص یہ جاننے میں غیر یقینی محسوس کرے کہ کسی کے بارے میں بات کرنا غیبت کے طور پر سمجھا جائے گا یا نہیں، تو انہیں یہ سوچنا چاہئے کہ کیا وہ یہی بات کہتے اگر وہ شخص موجود ہوتا۔ اگر نہیں، تو اس کا مطلب ہے کہ یہ غیبت کے طور پر سمجھا جائے
گا اور اس سے بچنا چاہئے۔

اسلام میں ذاتی تفکر اور خود کو بہتر بنانے پر توجہ دی جاتی ہے، نہ کہ دوسرے کی تنقید یا خامیوں کی تلاش میں۔ لہذا، مسلمانوں کو غیبت سے بچنے کی ترغیب دی جاتی ہے اور دوسرے کے بارے میں صرف اچھی باتیں کرنے کا مشورہ دیا جاتا ہے، تاکہ لوگوں کے درمیان اتحاد، ہم آہنگی اور احترام پیدا کیا جا سکے۔

ہماری زندگی کے سفر میں، صبر اور استقامت ایسی خصوصیات ہیں جو ہمیں سب سے مشکل وقتوں سے گزرنے میں رہنمائی کرتی ہیں۔ قرآن میں سورہ البقرہ (2:153) میں یہ بہت خوبصورتی سے بیان کیا گیا ہے کہ مسلمانوں کو صبر اور نماز کے ذریعے مدد طلب کرنی چاہئے۔ صبر کا مطلب صرف انتظار نہیں ہوتا، بلکہ انتظار کرتے ہوئے مثبت رویہ برقرار رکھنا ہوتا ہے۔ ہمیں اپنی زندگی کے تمام پہلووں میں اس اصول کو اپنانا ہوگا، اپنے الفاظ، اعمال، اور نیتوں کے ذریعے۔

قانون اور نظم و ضبط کی احترام گہری کرنا بھی اتنا ہی ضروری ہے، اس اصول کی تائید قرآن کرتا ہے۔ یہ مسلمانوں کو زمین میں فساد پھیلانے سے روکتا ہے (سورہ البقرہ، 2:11)۔ یہ کہنے کا مطلب ہے کہ ہمیں اپنے کمیونٹی کے قوانین کا احترام کرنا ہوگا، ایک دوسرے کے حقوق کا احترام کرنا ہوگا، اور ہمیشہ آرام اور امن کی طرف کوشش کرنی ہوگی۔

جب ہم بحث میں شرکت کرتے ہیں اور اپنے عقائد کے لئے کھڑے ہوتے ہیں، تو
ہمیں یہ کام صبر، سمجھ بوجھ اور اپنے کمیونٹی کے آمن و سکون کے لئے احترام کے ساتھ کرنا چاہئے۔ ہمیں امن اور اتحاد کے مسئول بننا چاہئے، ہر روز اپنی دنیا کو تھوڑا بہتر بنانے کے لئے۔

آئیے ہم سب مل کر یہی سیکھیں اور اپنائیں۔

#صبر #احترام #آرام #قرآنی_تعلیمات

شعر:
“جس خیط سے دہقاں کو میسر نہ ہو روزی
اُس خیط کے ہر خوشہِ گندم کو جلا دو”

ایک دن کا زمانہ تھا، ایک چھوٹے سے گاؤں میں، ایک محنتی کسان علی نام کا رہتا تھا۔ وہ اپنے زمین پر رات دن محنت کرتا تھا اور امید کرتا تھا کہ خراک پیداوار خوشحالی سے کافی ہوگی تاکہ اسکے گھر والوں کی معاشرتی ضروریات پوری ہو سکیں۔ مگر افسوس، جتنا بھی کوشش کرتا، اسکے زمین سے پیداوار کا اتنا زیادہ حصہ حاصل نہیں ہوتا تھا جو انکے بنیادی ضروریات کو پورا کرسکتا۔

علی کی فیملی تکلیف میں ڈبے رہتی تھی اور وہ اکثر بھوکے سوتے تھے۔ اس کے بھلے کوششوں کے باوجود، علی غریبی کی گرفت سے نہیں بچ سکا۔ ایک دن، اس نے ایک دانشمند اور دانائی سے مشہور بزرگ حسن سے ملنے کا موقع ملا۔

علی نے اپنے دل کی بات حسن کو بتادی، اور اپنی مشکلات اور ناکامی کا اظہار کیا۔ حسن نے دھیان سے سنا اور پھر ان کو ایک دلچسپ مشورہ دیا۔ انہوں نے کہا، "علی، کبھی کبھار زندگی ہمیں پریشان کن صورتحال میں ڈال دیتی ہے، جہاں ہمیں ظلم اور ناانصافی کے خلاف بڑھتے قدم ہونا پڑتا ہے۔ اگر تمہارے زمین سے روزی حاصل نہیں ہوتی، تو اپنے مسئلے کی بنا پر قوتِ اظہار کے لئے بہت سے لوگوں کو آگاہ کرنے کے لئے ایک قوی پیغام دینے کی کوشش کرنے کا سوچو۔"

علی حیران ہوگیا لیکن ایک انتہائی دلچسپ تصور دیکھا۔ وہ پوچھا، "حسن، میں اسے کیسے کروں؟ میں کسی کو زخم نہیں پہنچانا چاہتا ہوں۔"

حسن مسکرایا اور کہا، "تمہیں کسی کو زخم پہنچانے کی ضرورت نہیں ہے، لیکن تم اپنے احتجاج کی نشاندہی کر سکتے ہو۔ اپنی زمین کے وہ خوشہ گندم جو کمزور اور بےفائدہ ہوں، انہیں جمع کرو اور گاؤں کے لوگوں کو اکٹھا کرو۔ پھر، ایک احتجاجی ایکشن کے طور پر، ان خوشہ گندم کو آگ لگا دو۔"

علی نے حسن کی بات سمجھ لی اور اسکی ہدایت کے مطابق، اپنے زمین میں گاؤں کے لوگوں کو اکٹھا کیا۔ وہ اتحاد کے ساتھ کھڑے ہوئے جب علی نے کمزور، بےفائدہ خوشہ گندم کا ایک مٹھا لیا اور اسے آگ لگا دیا۔ آگ آسمان میں چمکتی رہی اور اس حیرت انگیز منظر نے جو دیکھا، وہ لوگوں کے دلوں میں قوت کی لہر اُٹھا دیا۔

علی کی احتجاجی ایکشن کی خبر گاؤں بھر م یں پھیل گئی اور جلد ہی اس نے علاقے کے حکام اور اہم شخصیات کی توجہ حاصل کی۔ انہوں نے احتجاج کرنے والے کسانوں کے مسئلے کی شدت کو سمجھا اور ان کے حمایت میں کارروائی شروع کی۔

وقت کے ساتھ ساتھ، علی کی زمین زیادہ پیداوار کرنے لگی اور وہ اپنے اور دیگر کسانوں کے لئے روزگار کا ذرائع بنا سکے۔ اس خوشہ گندم کو آگ لگانے نے ایک تاریخی تبدیلی کا اہتمام کیا اور ایک انصافی اور برابر معاشرت کی راہ کو روشن کیا۔

علی اور اس کے احتجاجی ایکشن کی کہانی پورے گاؤں میں پھیل گئی، اور بہت سے لوگ اس سے متاثر ہوکر انصاف کے خلاف اُٹھنے اور اپنے حقوق کی تلاش کرنے کی حوصلہ افزائی کرنے لگے۔ یہ ایک یاد دہانی بن گئی کہ کبھی کبھار غیر انصافی نظام کے خلاف احتجاجی ایکشن لینے سے امید کی کرنگ میں اضافہ ہوتا ہے اور روشن مستقبل کی توقع ہوتی ہے۔

Tashreeh by story Via chatgpt
Shair by Allama Iqbal

ابن خلدون اپنی کتاب "مقدمہ" میں قوموں کے عروج و زوال کے بارے میں گہرے فلسفیانہ خیالات پیش کرتے ہیں۔ ان کے مطابق جب قومیں زوال پذیر ہوتی ہیں، تو ان میں کچھ خاص نشانیاں اور عوامل نمودار ہوتے ہیں:

جب قومیں زوال کا شکار ہوتی ہیں، تو ان کے افراد آپس کی محبت اور اتحاد، جسے ابن خلدون "عصبیت" کہتے ہیں، کو کھو دیتے ہیں۔ پہلے پہل یہی عصبیت قوموں کو طاقتور بناتی ہے، مگر عیش و عشرت اور آرام کی زندگی اس کو کمزور کر دیتی ہے۔ قوم میں دولت کی فراوانی کے ساتھ ساتھ اخلاقی گراوٹ پیدا ہو جاتی ہے۔ حکمران ظلم کی طرف مائل ہو جاتے ہیں، ٹیکس بڑھا دیتے ہیں اور ناانصافی کو عام کرتے ہیں۔

ایسے وقت میں قوم کے افراد لالچ اور خودغرضی کا شکار ہو جاتے ہیں۔ عصبیت، جو قوم کی طاقت کا سرچشمہ تھی، رفتہ رفتہ ختم ہو جاتی ہے۔ حکومتی ادارے بگاڑ کا شکار ہو جاتے ہیں، انتظامیہ میں بدعنوانی اور نااہلی بڑھ جاتی ہے، اور یوں معاشرہ زوال کی طرف گامزن ہو جاتا ہے۔

ابن خلدون یہ بھی فرماتے ہیں کہ جب قوموں میں عیش پرستی عام ہو جائے، تو ان میں قائدانہ صلاحیت ختم ہو جاتی ہے، اور بزدلی، سستی اور آرام طلبی عام ہو جاتی ہے۔ قوم کے افراد آرام و آسائش کے عادی ہو جاتے ہیں اور اپنی ذمہ داریوں سے غافل ہو جاتے ہیں۔ نتیجتاً، قوم کو زوال کا سامنا کرنا پڑتا ہے۔

یوں جب ایک قوم زوال پذیر ہوتی ہے، تو حکمران طبقہ ظلم اور عیش پرستی میں مشغول ہو جاتا ہے، عوام ٹیکسوں اور غربت کی چکی میں پستے ہیں، اور قوم کا مجموعی اخلاقی معیار پستی کی طرف جا رہا ہوتا ہے۔

یہی وہ عوامل ہیں جن کی وجہ سے ابن خلدون قوموں کے عروج و زوال کا تجزیہ کرتے ہیں، اور انہی اصولوں کے تحت وہ ایک قوم کے زوال کی پیش گوئی کرتے ہیں۔

سنی اور شیعہ کے درمیان امن قائم کرنا ایک نہایت اہم اور حساس مسئلہ ہے۔ اس کے لیے دونوں مکاتبِ فکر کو اپنے رویوں، عادات اور تعاملات میں کچھ تبدیلیاں لانے کی ضرورت ہے تاکہ احترام، محبت، اور اتحاد کا ماحول پیدا ہو۔ اس مسئلے کو حل کرنے کے لیے درج ذیل نکات پر غور کیا جا سکتا ہے:

1. اختلافات کو قبول کریں اور اتحاد پر توجہ دیں
• کیا کرنا چاہیے؟
• اختلافات کو بطور حقیقت قبول کریں اور انہیں زبردستی ختم کرنے کی کوشش نہ کریں۔
• مشترکہ عقائد (توحید، قرآن، رسول اللہ ﷺ) کو بنیاد بنائیں۔
• دوسروں کے عقائد کو سمجھنے اور ان کا احترام کرنے کی کوشش کریں۔
• کونسی عادات ترک کرنی ہوں گی؟
• ایک دوسرے کے عقائد کو غلط یا باطل ثابت کرنے کی کوشش۔
• توہین آمیز بیانات یا عمل، جیسے کسی بھی مقدس شخصیت کی بے حرمتی۔

2. علما اور رہنماؤں کا کردار
• کیا کرنا چاہیے؟
• مستند اور امن پسند علماء کو سامنے لائیں جو امت کو جوڑنے کی بات کریں۔
• علما کو چاہیے کہ وہ فتنہ انگیز بیانات دینے سے گریز کریں اور اپنے پیروکاروں کو بھی ایسا کرنے سے روکیں۔
• کونسی عادات ترک کرنی ہوں گی؟
• جذباتی بیانات یا خطبات جو دوسرے فرقے کے خلاف نفرت کو ہوا دیتے ہیں۔
• فرقہ وارانہ مسائل کو سیاسی یا سماجی اختلافات میں استعمال کرنا۔

3. تعلیم اور آگاہی
• کیا کرنا چاہیے؟
• لوگوں کو دوسرے فرقے کے بارے میں درست معلومات فراہم کریں تاکہ غلط فہمیاں ختم ہوں۔
• مشترکہ اسلامی تعلیمات پر مبنی نصاب تشکیل دیں جو محبت اور اتحاد کو فروغ دے۔
• کونسی عادات ترک کرنی ہوں گی؟
• فرقہ وارانہ بنیادوں پر نفرت پھیلانے والے مواد یا کتابوں کا استعمال۔
• جذباتی اور غیر مستند باتوں کو دین کا حصہ سمجھنا۔

4. سوشل میڈیا اور عوامی رویہ
• کیا کرنا چاہیے؟
• سوشل میڈیا پر محبت اور بھائی چارے کے پیغامات کو فروغ دیں۔
• ایسے فورمز بنائیں جہاں دونوں فرقے ایک دوسرے سے بات چیت کر سکیں اور اپنے خیالات کا تبادلہ کریں۔
• کونسی عادات ترک کرنی ہوں گی؟
• سوشل میڈیا پر نفرت انگیز پوسٹس یا ویڈیوز کا شیئر کرنا۔
• عوامی سطح پر نفرت انگیز تقاریر یا عمل۔

5. فرقہ واریت کو سیاسی ایجنڈے سے الگ کریں
• کیا کرنا چاہیے؟
• سیاسی رہنماؤں کو فرقہ واریت کو اپنے فائدے کے لیے استعمال کرنے سے روکیں۔
• مسلمانوں کو مشترکہ مسائل، جیسے غربت، تعلیم، اور انصاف پر متحد کریں۔
• کونسی عادات ترک کرنی ہوں گی؟
• فرقہ وارانہ اختلافات کو سیاسی ایجنڈے کے طور پر استعمال کرنا۔
• ایک دوسرے کے خلاف سیاسی یا سماجی نفرت پیدا کرنا۔

6. اہم شخصیات اور مقامات کا احترام
• کیا کرنا چاہیے؟
• ایک دوسرے کی مقدس شخصیات (صحابہ، اہل بیت) اور مقامات کا احترام کریں۔
• دوسرے فرقے کی حساسیت کو سمجھیں اور ان کی حرمت کا لحاظ کریں۔
• کونسی عادات ترک کرنی ہوں گی؟
• ایسی تقریبات یا اعمال جو دوسرے فرقے کے لیے تکلیف دہ ہوں۔
• مقدس شخصیات کے خلاف توہین آمیز زبان کا استعمال۔

7. امن کے فروغ کے لیے مشترکہ پلیٹ فارمز
• کیا کرنا چاہیے؟
• سنی اور شیعہ علما کو ایک پلیٹ فارم پر لایا جائے جہاں وہ امت کے اتحاد کے لیے کام کریں۔
• سماجی اور رفاہی کاموں میں دونوں فرقوں کو شامل کریں تاکہ لوگوں میں بھائی چارہ بڑھے۔
• کونسی عادات ترک کرنی ہوں گی؟
• دوسرے فرقے کو سماجی یا مذہبی پروگرامز سے خارج کرنا۔
• تعاون سے انکار کرنا۔

نتیجہ:

سنی اور شیعہ کے درمیان امن قائم کرنے کے لیے دونوں فرقوں کو اپنے رویے میں احترام، محبت، اور سمجھوتے کا جذبہ لانا ہوگا۔
• فرقہ واریت کو کم کرنے کا سب سے مؤثر طریقہ یہ ہے کہ ہم مشترکہ بنیادوں پر زور دیں اور اختلافات کو عزت کے ساتھ قبول کریں۔
• سب سے بڑھ کر، یہ یاد رکھیں کہ ہم سب اللہ کے بندے اور رسول اللہ ﷺ کے امتی ہیں، اور ہماری اصل منزل اللہ کی رضا حاصل کرنا ہے۔
“جزاک اللہ خیر” آپ کے سوال اور اس مسئلے کو اجاگر کرنے کے لیے۔

2 ارب سے زائد مسلمان: اتحاد اور ترقی کی عالمی قوت!

کیا آپ جانتے ہیں؟ دنیا میں 2 ارب سے زائد مسلمان ہیں، جو عالمی آبادی کا 25% سے زیادہ بنتے ہیں! ان میں سے تقریباً 236 ملین (23 کروڑ 60 لاکھ) مسلمان انگریزی بولتے ہیں—یہ تعداد جرمنی (83M)، فرانس (68M)، برطانیہ (67M)، اور کینیڈا (40M) کی مجموعی آبادی سے بھی زیادہ ہے!

چاہے جکارتہ کی مصروف گلیاں ہوں یا سلیکن ویلی کے جدید تحقیقی مراکز، مسلمان رحمدلی، ذہانت، اور استقامت کے ساتھ دنیا کو سنوار رہے ہیں۔ ان کی آوازیں دنیا بھر میں مکالمے، ہم آہنگی، اور روشن مستقبل کے خواب کو حقیقت بنانے کے لیے گونج رہی ہیں۔

آئیں، اس عظیم عالمی برادری کا جشن منائیں جو امن، اتحاد اور ترقی کی علامت ہے!
دوسرے ممالک کے مسلمانوں سے جُڑیں، سیکھیں، ترقی کریں اور ایک امت بنیں! سوشل میڈیا پر دنیا بھر کے مسلمانوں سے رابطہ کریں، اپنے تجربات شیئر کریں اور ایک دوسرے سے علم حاصل کریں تاکہ ہم سب ایک مضبوط اور متحد امت بن سکیں۔

#مسلمان_دنیا #تنوع #اتحاد #عالمی_اثرات #ترقی #امت_واحدہ